இணையதளம் - இன்று நான் தெரிந்து கொண்டேன்

எத்தனையோ விஷயங்கள் குறித்த தகவல்கள் அன்றாடம் நம்மை ஆச்சரியப்பட வைக்கின்றன. சில தகவல்களைப் படித்தவுடன், அட! இது இப்படியா! என ஆச்சரியப்பட வைக்கின்றன. சில, நாம் அதுவரை தவறாக எண்ணியிருந்தனவற்றை மாற்றி சரியாக நம்மைத் திருத்துகின்றன. நாம் தொடர்ந்து சிலவற்றைக் கற்றுக் கொண்டே இருப்பது நம் மூளையைத் தீட்டுவதற்கு ஒப்பானதாகும். இதனால், நம் அறிவும் விசாலமாகிறது. இது போன்ற தகவல்களை அன்றாடம் நமக்கு ஓர் இணையதளம் வழங்கினால் எவ்வளவு எளிதாக இருக்கும். இந்த இலக்குடனே ஓர் இணையதளம் இயங்குகிறது. அதன் முகவரி  http://www.todayifoundout.com.

இந்த தளத்தில் நுழைந்தவுடனேயே, அன்றைக்குப் புதியதாக பதியப்பட்டிருக்கும் கட்டுரைகளின் தலைப்புகள் நம்ம வியப்பில் ஆழ்த்துகின்றன. பக்கத்தின் மேலாக, நாம் தேடிப் பெறுவதற்கென, சில வகைகள் தரப்பட்டுள்ளன. Articles, Quick Facts, Answers, Know It, This Day in History, and Infographics – என இவை அமைந்துள்ளன. இவற்றின் வழிதான் செல்ல வேண்டும் என்பதல்ல. நாம் விரும்பும் அல்லது தேடும் பொருள் குறித்து, கேள்வி அமைத்துத் தேடிப் பெறலாம்.

முதன்மைப் பக்கம் மட்டுமின்றி, பக்கங்களுக்குள் சென்றும் சில பிரிவுகளைக் காணலாம். இவற்றில் எனக்கு Myths and Misconcep tions என்ற பிரிவு மிகவும் ரசிக்கத்தக்கதாகவும், வியக்கத்தக்கதாகவும் உள்ளது. இந்தத் தகவல் குறிப்பினை எழுதுகையில், ஒவ்வொரு கண்டத்திற்கும் எப்படி அந்த பெயர் வந்தது என்ற சுவையான தகவல் தரப்பட்டிருந்தது. இதே போலவே பல வேறுபட்ட தகவல்கள் கிடைத்தன. இந்த தளத்தில் நம் மின் அஞ்சல் முகவரியினைப் பதிந்து வைத்தால், அன்றாடம் தளத்தில் பதியப்படும் தகவல்கள் குறித்து லிங்க் அஞ்சல் செய்யப்படுகிறது. அதில் கிளிக் செய்தால், இந்த தளத்தில் அத்தகவல் உள்ள பக்கம் கிடைக்கிறது. தகவல் தொகுப்பின் கீழாக, முன்னதாக மற்றும் அடுத்து உள்ள தகவல்களுக்கான லிங்க்கும் கிடைக்கும். இதில் கிளிக் செய்து தரப்பட்டிருக்கும் தகவல்களையும் காணலாம்.
அரிய தகவல்கள் தேடுவோர் அவசியம் காண வேண்டிய தளம் இது

PDF கோப்பாக Download செய்ய இங்கு க்ளிக் செய்யவும்